魔鬼炮台 + 鯉魚門海鮮之旅 (22.04.2011)

難度: * (6*最高)

需時: 2小時

復活節假期必做的一件事 – 行山是也~ 雖然當日的天氣預報為狂風暴雨, 幸好最終天公造美, 沒有下雨! 今次的路線難度不高, 作為今年行山的熱身操, 適合不過。由鯉魚門廣場出發, 到達炮台山只需約45分鐘。炮台山差不多是鯉魚門區最高的山, 因此山頂周邊的景色一覽無遺。如果天氣清些, 能見度會更好。順著路線, 遊覽了2個炮台, 之後就沿鯉魚門行人徑回鯉魚門村食海鮮! 海鮮餐十分豐富, 食材質素良好 (比流浮山及西貢的好), 雖然最終埋單時有點被”屈”的感覺!

雖然路線短, 但友人們已覺得疲憊不堪! 日後必定要勤多練習, 攪多d行山活動先~~~哈哈

檳城George Town (2011.4.7-2011.4.11)

終於去晒課程內的所有field trips啦!第一次到馬來西亞, 原以為天氣好熱, 可能George Town位於沿海地帶+城內90%的建築物是2層以下, 天氣唔係十分悶熱。經過之前武漢嘅10級趕急之行, 今次安排好好多。起碼大家不需在交通上浪費時間!

响George Town呢個小城裡, 大部分嘅地方可步行到達。全個城市充滿住舊香港嘅感覺, 有2層高嘅shophouses, 中文嘅古老招牌等等。十分享受用腳一步一步探索城市嘅感覺~~

今次一早已安排好每team負責嘅路線, 加上lectures and presentations, 我未能遊覽全部地方, 希望下次可以再漫步檳城~ 由於George Town有好多好嘢食, 除早餐外, 我地可以自由出外搵食。食物款式頗多, 最重要係價廉物美!

响呢一刻, George Town內嘅遊客不多, 而當地人也可保持住原有嘅生活方式, 加上George Town內嘅多元文化 + 種族, 令一個小小嘅城市充滿著吸引力。希望我下次再來時, George Town仍能保持著呢種獨特嘅way of life~

東坪洲之旅 (2011.04.05)

原本在2年前已想遊覽東坪洲，但由於各種原因，未能成行。剛好有一天假期，臨時決定前往東坪洲~~雖然天色一般，但天氣清爽，走起來感覺十分舒服!

每天只有早上一班9時開出的船，如錯過這一班，你就需要等到下午3時。就算你可以等到都冇用或除非你決定在島上留宿，因為每天只有一班回程船，開出時間為下午5時。 為免錯過船期，一早8:30已到達馬料水。火車站及碼頭已有好多人聚集，原以為在這天色之下，應該不會那麼吸引!上船後，發現大部分的遊客為內地同胞+外籍人士。經過1小時40分鐘的船程，終於到達! 雖然整條船+其他的遊客船的人超過500人，但在島上沒有擠迫的感覺。

今次我們是按地質公園指示順序而行，但有些地方正值潮漲，我們沒有沿岸邊行走。圍繞全島只需3小時 (連拍照時間) ，原本計劃開始起行前吃個早餐，誰知士多竟是在另一邊! 幸好，我們準備了一些糧餉及天氣清爽，才可支持到終點。

之前我們在圖書館借了一本關於東坪洲地質的書本，今次時間充裕，可以邊走邊看，十分充實。

更樓石

龍落水

斬頸洲

新昌士多 (我見到她們用過洗碗的水去洗我d波菜麵…..@_@ it is so horrible! 幸好, 食完冇事!)