Saturday 7 February 2009

第一波 . 完結

忙完一星期, 終於等到老闆出差, 應該可以小休幾日。

原以為噚晚可以早啲離開, 點知阿姐突然話要賽後檢討, 心立即沉一沉。結果, 阿姐一開金口, 就1030pm先停(成一個鍾啊~~~), 仲要係因為我打了一個呵欠, 阿姐先放我吔走。

可能佢都知我哋太辛苦, 想安慰下我哋, 苦口婆心地講咗好多鼓勵的說話,同埋make clear what her working style is。最後, 為了緩和氣氛,佢突然問我哋呢排係咪好唔開心。而我又好蠢地答係, 因為我唔夠瞓。當然, 各同事聽罷, 都忍唔住笑。但阿姐嘅答案仲妙, 佢竟然叫我訓練自己瞓少啲。我諗我都係陽奉陰違…..

2 comments:

Ting said...

加油~~

(下次早D打呵欠啦!)

~ Ching Ching ~ said...

唔夠訓個樣會殘架...個人又會易忟...保重保重