瞓夠起身，落樓下慢嘆早餐。早餐尚算豐富，令我驚喜嘅，呢度竟然有益力多！！即刻朝朝飲2支。哈哈～
食完早餐，見有d太陽，即刻坐巴士去睇熊貓。比起香港，澳門嘅熊貓館的入場費比較公道。只需$10，任睇。我地早去，人唔算多，睇完仲可以周圍行下，睇下馬騮。不過，天氣好一陣，就落大雨啦＞＜
好在落咗一陣，就停雨。之後我地就走咗過隔離嘅媽祖文化村。原本有shuttle bus送你上山，但我地啱啱撞正lunch time,要等１個鍾先有車。睇過地圖，我地決定自己行上山！15分鐘嘅車程＝30分鐘腳程，仲要行行下落大雨！幾經辛苦，熱到鬼咁，終於上到一個人都冇嘅媽祖文化村。呢度最吸引嘅係佢嘅建築，不過一個人都冇，影相都影得好方便～原本呢度諗住發展成為澳門其中一個旅遊熱點，但呢度真係太遠，所有嘅擴展計劃暫停。
逗留咗一陣，我地就去今次嘅重點行程－水舞間。預早一個月網上訂飛，但d平飛都賣得七七八八。身邊朋友個個讚好，於是我地就俾多少少錢，坐個好d嘅位。場地原來好細，表演人又多，怪不得d飛咁貴！不過我原本以為個show會好似opera咁,有真人唱歌。點知個show有d馬戲feel，有d失望。但個台就真係好勁，去水入水都好快～
睇完，立即返酒店，會合同學仔食晚餐（另一個重點行程）。今晚嘅晚餐响酒店內嘅AUX BEAUX ARTS，第一次食正式嘅法國餐，好緊張！一食就食咗成3個鍾，5個courses。十分豐富！
今晚係最後一次見面，唔知將來仲有冇機會再見呢？
No comments:
Post a Comment