尋晚太夜，今早好遲先起身。最後一日，忍不住再影多一次個房景～之前雖然來過澳門好多次，但每次都可以搵到一d新地方。今日我地就去咗西望洋山附近走走，途經多個我未去過嘅heritage buildings。今日天氣好好，十分熱！以我地嘅速度，好快已到達西望洋山，個天好藍好清！
另一個我好想去嘅就係附近嘅鄭家大屋。之前响網上book咗tour，諗住冇book冇得參觀，點知原來係唔需要嘅。去到人不多，我地見門口細細，原以為好快睇完，但原來裡面好大！
開心嘅時間過得特別怏，要返酒店check out。之後回酒店食個afternoon tea，再book埋出碼頭嘅車，到今次行程最後一站－科學館。呢間酒店d服務真係一流，我地要求佢地先車我地到科學館，再按預定時間由科學館車我地出碼頭，佢地都冇say no。所以我地節省咗好多時間。因為係星期日，科學館超級多人！加上科學館嘅設計，館內空間不多，但館外就十分漂亮啦！ 
今次係畢業後嘅第一個旅行，有充足嘅時間，好食好住，真的是十分開心：）
No comments:
Post a Comment